Танилцуулга
Цул-Улаан услалтын системийн байршил:
Тус услалтын систем нь Улаанбаатар хотоос баруун хойд зүгт 1750км, аймгийн төвөөс 120км зайд байрладаг бөгөөд Баяннуур сумын нутаг дэвсгэрт Цул Улаан уулын дэргэд 161 га талбайг хамран оршино.
УСЛАЛТЫН СИСТЕМИЙН БҮТЭЦ:
- Урсгал чиглүүлэх далан
- Усны түвшин өргөх далан
- Дөхүүлэх суваг
- Ус авах толгойн барилга
- Гол суваг
- Хуваарилах суваг
- Салбар суваг
- Ус хаях суваг
- Усалгааны бороожуулах машин
- Ойн зурвас
- Хамгаалалтын торон хашаа
Урсгал чиглүүлэх далан:
Чиглүүлэх далангийн хярын өргөн b=2м, хярын түвшин 1343м, дээд налуу 1:1.5, доод налуу 1:2.0 байна. Хуучин чиглүүлэх даланг сэргээх, хог цэвэрлэх ажлууд хийгдсэн.
Усны түвшин өргөх далан:
Ховд голын баруун салаанд байрлах төлөвлөж буй далан нь L=143м урт, 2м өндөр чулуун далан байна. Далангийн хярын өргөн b=2м, хярын түвшин 1342.50м, дээд налуу 1:1.5, доод налуу 1:2.0 байна. Ус халиагуурын урт L=48.18 м, дээд налуу 1:1.5, доод налуу 1:2.0, ус халих түвшин 1341 м байна.
Дөхүүлэх суваг:
Дөхүүлэх суваг нь Ховд голын баруун салаанаас өөрийн урсгалаар гол сувагт төслийн тооцоот зарцуулгыг дөхүүлж гол сувгийн эхэнд байрлах толгойн барилгад нийлүүлэх үүрэгтэй. Сувгийн ёроолын өргөн b=1 м, h=1.1 м, суваг дахь усны өндөр hус=0.8 м, сувгийн налуу i=0.0016 байхаар төлөвлөгдсөн. 8-р сард дөхүүлэх сувгийн газар шороо, тэгшилгээний ажлыг хийж гүйцэтгэв. Сувгийн урт L=410.56м
Толгойн барилга:
Ус авах толгойн барилга нь дөхүүлэх сувгаас гол сувагт хагшаасыг тунгааж, тооцоот зарцуулгыг гол сувагт дамжуулах, илүүдэл усыг буцааж хаях сувгаар дамжуулан голд нийлүүлэх зориулалт бүхий ус татамжийн барилга болно. Хуучин толгойн барилгыг зайлуулж шинээр угсралтын ажлыг хийж гүйцэтгэв. Толгойн барилга нь ёроолын хагшааснаас хамгаалах босго,хавтгай хаалт зэргээс бүрдэнэ. Ёроолын хагшааснаас хамгаалах босгоны өндөр 0.4 м байна. Дөхүүлэх сувгаас авах усны зарцуулгыг тохируулах, өвлийн улиралд бүрэн хааж гол сувгийн барилгыг усгүй байлгах зориулалтаар хаалт төлөвлөсөн болно. Толгойн барилгын нийт урт L=9.2 м, өргөн B=7.8 м, өндөр H=1.3 м байна гэж зураг төсөлд заагдсаны дагуу хийж гүйцэтгэв.
Гол суваг:
Гол суваг нь толгойн барилгаас өөрийн урсгалаар хуваарилах сувагт төслийн тооцоот зарцуулгыг дамжуулах үүрэгтэй. Гол сувгийн хуучин бетон доторлогоо нь уртын дагууд ихээхэн эвдэрч хагшаасанд дарагдаж ашиглах боломжгүй болсон тул шинээр төлөвлөсөний дагуу угсралтын ажлыг гүйцэтгэв. Гол сувгийн нийт урт L=5750 м, ёроолын өргөн b=0.6м, өндөр h=0.7 м, суваг дахь усны өндөр hус=0.391 м, сувгийн налуу i=0.00157, урсгалын хурд U=1.057м/с байна.
Хуваарилах суваг:
Хуваарилах суваг -1 L=1410 м b=0.6м, хуваарилах суваг -2 L=1141.76м b=0.4м байна.
Салбар суваг:
Салбар сувгууд нь трапец хэлбэртэй, доторлогоогүй байна. Сувгийн өргөн b=0.4 м, өндөр h=0.5 м. Сувгийг хуучин трассын дагуу сэргээж хэлбэржүүлэх ажлыг 2024 оны дулааны улиралд хийж гүйцэтгэнэ.
Ус хаях суваг:
Ус хаях суваг нь салбар суваг болон талбайгаас илүүдэл усыг зайлуулж голд нийлүүлэх үүрэгтэй. Тус суваг нь трапец хэлбэртэй, доторлогоогүй шороон суваг байна. Сувгийн урт L=2474.52 м, ёроолын өргөн b=1.0м, өндөр h=0.5м, сувгийн налуу i=0.0001 байна.
Хамгаалалтын торон хашаа:
L=6600 м буюу 161 га усалгааны талбайн хамгаалалтын торон хашааг барих ажил хийгдсэн байдал. Асуудал шийдвэрлэх: Хамгаалалтын торон хашааг эвдэж сүйтгэх асуудал байнга тулгарч байна.
Ойн зурвас:
Салхин дээд тал болох талбайн баруун болон хойд Ховд гол талд 1-р салбар сувгийн дагуд, хаях сувгийн дагууд нийт 3км уртын дагууд 2 эгнээ шинэс болон улиас мод, дотор эгнээнд бутлаг ургамал болох хайлаас болон чацаргана тариалахаар төлөвлөсөний дагуу 2024 оны хаврын улиралд хийж гүйцэтгэхээр төлөвлөсөн болно.
Усалгааны бороожуулах машин:
Зураг төсөлд тусгагдсаны дагуу техникийн шаардлага хангахуйц бороожуулах машиныг судлах, захиалах шатны ажилууд явагдаж байна.
Мэргэжилтэй техникийн ажилчидын хэрэгцээ:
