Танилцуулга
Ёлтонгийн услалтын систем нь 315га талбайг услах хүчин чадалтайгаар анх 1980-д онд анх ашиглалтанд орж 1990-д оныг хүртэл хэвийн ашиглагдаж зах зээлийн шилжилтийн эхэн үед эвдэрч тоногдон ашиглалтаас гарсан байна. Манай компанийг ажил эхлэхээс өмнө услалтын системийн талбайд цөөн тооны хувь хүмүүс 10 орчим га талбайд гар аргаар усалгаа хийн төмс, хүнсний ногоо, бага зэрэг талбайд арвай тариалж байсан.
Ёлтонгийн услалтын системийг шинэчилж ашиглалтанд оруулсанаар хүн амын хүнсний хангамжийг сайжруулах, эрүүл аюулгүй орчинд ургуулсан үр тариа, төмс хүнсний ногоог хэрэглэх, малын тэжээлийн үйлдвэрлэлийг нэмэгдүүлэх, ажлын байр бий болгох зэрэг нийгмийн олон асуудлыг нааштайгаар шийдвэрлэх боломжтой болох юм.
Ажил эхлэхээс өмнөх зураг
Ажил хийгдэж буй байдал
Услалтын системийн бүтэц
Талбайн зохион байгуулалт
Нийт талбай 315.0 га
Үүнээс: Цэвэр (услагдах) талбай 277.0 га
Үүнээс: Бороожуулах усалгаатай 247.0 га
»Энгийн усалгаатай 30 га
»Зам барилга байгууламж, талбайн өнцөг болон талбай хооронд услагдахгүйгээр үлдэх талбай 38.0 га
Услалтын системийн ажиллагааны зарчим
- Ёлтонгийн услалтын систем нь ус татамжийн барилга, гол суваг, усан сан, гол хоолой, услалтын далд сүлжээ, түүн дээрх барилгууд болон бороожуулах машин гэсэн үндсэн хэсгүүдээс бүрдэнэ.
- Чацрангийн голоос усалгааны усыг ус татамжийн барилгаар авч 6463м урт гол сувгаар усан санд оруулна. Усан сангаас 3731м урттай гол хоолой болон нийт 3148м урттай услалтын далд сүлжээгээр дамжуулан усыг талбайд хүргэн бороожуулах машинаар усалгаа хийнэ.
Услалтын системийн ашиглалтын горим
- Хавар усалгаа эхлэхээс өмнө усан санг усаар дүүргэх намар усалгааны сүлжээг бүрэн хоослох, усалгааны явцад сүлжээн дэх усны даралтыг 8 ат даралтаас хэтрүүлэхгүй байх арга хэмжээ авахдаа ойн зурвасны усалгааны хоолойгоор даралтыг тохируулж байхаас гадна усалгааны машинуудыг тогтмол ээлж дараалалтайгаар ургамлын усалгааны нормд тохируулан бороожуулагч машины хурданд хяналт тавих операторчинг сургах, операторчинг одооноос бэлтгэх арга хэмжээ авах, операторчинг хятадад сургах талаар ярьж зөвлөлдсөн зүйл байгааг ажил хэрэг болгох сургалтын төлбөр зардлыг төсөвт суулгах арга хэмжээ авах.
Услалтын системийн мэргэжилтэй ажилчдын хэрэгцээ, тавигдах шаардлага
Ёлтон услалтын системийг ашиглалтанд оруулсанаар:
–Бороожуулагч машины операторчин- 5
–Агертехникч- 1
–Цахилгаанчин-1
–Гидротехникч-1
–Усны харуул- 1 тус тус ажилчид шаардлагатай.
Техник, тоног төхөөрөмж
Бага оврын универсаль экскаватор хэрэгтэй.
Бороожуулагч машины операторчин
Ажлын байрны зорилго:
- Техник, тоног төхөөрөмжийг ажиллуулах, засвар үйлчилгээ хийх болон бусад ажил үүргүүдийг гүйцэтгэх
Ажлын байрны үндсэн зорилт:
- Хаврын тариалалтын үед техник тоног төхөөрөмжийн бүрэн бүтэн байнга бэлэн байлгах
Ажлын байрны гол үйл ажиллагаа:
- Бороожуулах машины тохируулгын ажлыг механикийн зааврын дагуу хийж гүйцэтгэх, тоног төхөөрөмжийн бүрэн бүтэн байдалд хяналт тавьж, эвдрэл гэмтлийг цаг тухай бүрт нь мэдээллэх, техник тоног төхөөрөмжийн арчилгаа, засвар үйлчилгээнд анхаарах, тариалалтын үед тоног төхөөрөмжийг чадварлаг жолоодож ажиллуулах
Ур чадвар:
- Аливаа гэмтлийг урьдчилан оношилох мэдрэмжтэй байх, багаар ажиллах, харилцааны соёлтой, хариуцсан ажлаа бие даан гүйцэтгэх, хариуцлагаа хүлээх чадвартай, гарын болон нүдний баримжаа сайтай.
Тусгай шаардлага:
- Тухайн цаг үеийн нөхцөл байдалд бодитой хандах, түүнд зохицон ажиллах бүрэн боломжтой байх.